Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Vlorë, Rama: Berisha demagogji me rritjen e pagave e pensioneve, shqiptarët më të varfër
English

Vlorë, Rama: Berisha demagogji me rritjen e pagave e pensioneve, shqiptarët më të varfër

Vlorë, 12 maj NOA - Kryetari i Partisë Socialiste ka qenë sot në qytetin bregdetar të Vlorës për të prezantuar, Programin e ri qeverisës të socialistëve.

Rama ka folur për një Shqipëri që zhvillohet e gjitha njësoj, për një Shqipëri që të jetë vërtetë e zhvilluar në fshat e në qytet, jo më me zhvillim të diferencuar, ku ca janë të nënës dhe ca janë të njerkës.

"Shqipërinë nënë të të gjithëve do ta bëjmë me këtë politikë të re, e cila është për njerëzit dhe nga njerëzit" tha Rama.

Rama ka akuzuar qeverinë për demagogji në aspektin e rritjes së pagave dhe pensioneve në një kohë që sot me këto paga e pensione të rritura blihet me pak se 4 vjet më parë.

"Kryeministri bashkë me ministrat e të tjerët u tregojnë grafikët e rritjes së rrogave. Me rrogat e rritura të Sali Berishës çuditërisht blejnë më pak se ç'blinin përpara se Sali Berisha të bëhej kryeministër." u shpreh Rama.

Më tej kreu i PS-së premtoi në Vlorë dy projekte të mëdha që do të zhvillohen gjatë qeverisjes së tij.

"Dy projektet e mëdha për të cilat unë do të angazhohem me mish e me shpirt për Vlorën do të jenë fillimi i ndërtimit të një porti europian dhe fillimi i punës për një universitet europian për Vlorën." deklaroi Rama.

Apeli i Ramës nga Vlora për të gjithë Shqipërinë ka qenë për t'ju bashkuar politikës së re të Partisë Socialiste, e cila nuk do qeverisë më e veçuar nga njerëzit por në konsultim të përhershëm me ta, për të qenë një qeverisje me qytetarët dhe për qytetarët.

"Â Vetëm duke e qeverisur së bashku ne mund ta ndryshojmë Shqipërinë, Shqipëria nuk mund të ndryshojë duke u qeverisur nga kutia e televizorit. Shqipëria nuk mund të ndryshojë duke mbetur në duart e pak njerëzve. Shqipëria nuk mund të ndryshojë duke vazhduar të njëjtën këngë që dëgjojmë 18 vjet me radhë. Shqipërinë do ta ndryshojmë duke e nxjerrë politikën nga kutia e televizorit, duke e çuar qeverinë në duart e njerëzve. Do ta ndërtojmë Europën në çerdhet, në kopshtet, në shkollat, në universitetet, në spitalet, në qendrat shëndetësore, në rrugët tona." shtoi më tej Edi Rama.

k.k/NOA

KOMENTE