Durrës, 16 maj, NOA - Prokuroria e Durrësit ka nisur procedimin penal në ngarkim të dy personave, Silvan Deda dhe Adriatik Hasa, në pozicionin e administratorit dhe drejtuesit teknik të firmës së ndërtimit "EHAD" për veprën penale të "Shkeljes së rregullave të sigurimit në punë", parashikur nga neni 289 i Kodit Penal.
Kjo pasi, dje në objektin 6-katësh të firmës në ndërtim "EHAD" ka rënë nga lartësia, 21-vjeçari Saimir Bënja, lindur në Tepelenë dhe banues në lagjen e Kënetës. Ai nuk ka mundur të mbijetojë pasi dëmtimet e pësuara nga rënia në lartësi ishin të mëdha. Saimir Bënja, i cili ka ndërruar jetë rrugës për në spitalin e Durrësit, ishte punëtor ndërtimi dhe punonte në pallatin nga i cili është rrëzuar.
