Durrës, 20 maj, NOA - Forcat e policisë së Durrësit kanë filluar procedimin penal në gjendje të lirë ndaj 16-vjeçarit A.K, banues në lagjen Nr.11 Durrës me arsim të mesëm.
Sipas të dhënave për agjencinë e Lajmeve NOA, procedimi penal ndaj tij ka filluar pasi ai ka goditur me thikë pa dashje shokun e tij të klasës, P.Xh, i cili pasi mori mjekimin e duhur në spitalin e Durrësit, është larguar për në banesën e tij pa probleme
Bëhet e ditur se që të dy bashkëmoshatarët janë nxënës në shkollën e mesme "Gjergj Kastrioti".
Për këtë çështje, janë kryer veprimet e para proceduriale dhe materialet do t'i dërgohen prokurorisë së Durrësit për veprën penale të "Plagosjes së lehtë nga pakujdesia", të parashikuar nga neni 92 të Kodit Penal.
n.e/NOA
Â
