Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kryeministri vlerëson vizitën e Bajden në rajon si rikonfirmim të mbështetjes së Obamës
English

Kryeministri vlerëson vizitën e Bajden në rajon si rikonfirmim të mbështetjes së Obamës

Tiranë, 21 maj/ NOA - Kryeministri Sali Berisha vlerëson vizitën e Zëvendës Presidentit Biden në rajon si një rikonfirmim të mbështetjes së vyer të Presidentit Obama dhe administratës së tij.

Zëdhënësja e Kryeministrit, Juela Meçani në një dalje për mediat, evidentoi sot, faktin se Zëvendëspresidenti i Shteteve të Bashkuara të Amerikës, Joe Biden (Xho Bajden), miku i madh i kombit shqiptar dhe lirisë së tij, zhvillon një vizitë historike në Kosovën e Pavarur.

Kjo përbën një ngjarje të madhe kulmore në marrëdhëniet e shkëlqyera që ekzistojnë mes Kosovës dhe Shteteve të Bashkuara të Amerikës, përbën një mbështetje të fuqishme për Kosovën në përpjekjet e saj për ndërtimin dhe konsolidimin e shtetit të demokracisë të bazuar në vlerat e tregut dhe për kontributin e saj si një faktor themeltar për paqen dhe stabilitetin në Rajon.

"Kryeministri Sali Berisha vlerëson se turi i Zëvendëspresidentit të Shteteve të Bashkuara të Amerikës, në vendet e rajonit është një ngjarje e madhe si për ato vende që ai vizitoi, por edhe për mbarë vendet e Rajonit, është një rikonfirmim i ndihmës dhe mbështetjes së vyer të Presidentit të Shteteve të Bashkuara të Amerikës, Barak Obama dhe administratës së tij", - citoi Meçani vlerësimin e kryeministrit.

Sipas kreut të qeverisë shqiptare, "kjo vizitë është një mbështetje dhe inkurajim i fuqishëm për të gjithë popujt e rajonit për të shkruar një kapitull të ri bashkëpunimi dhe miqësie të historisë së tyre evropiane dhe euroatlantike".

e.l/NOA

KOMENTE