Tiranë, 22 maj NOA Update - Kolegji Penal i Gjykatës së Lartë shpalli sot në orën 14.00 vendimin për shqyrtimin gjyqësor ndaj të pandehurve Fatmir Mediu dhe 29 personave të tjerë, lidhur me tragjedinë e Gërdecit më 15 mars 2009 ku 26 vetë vdiqën nga shpërthimi i pakontrolluar i municioneve të kalibrit të rëndë, 300 të tjerë u plagosën dhe u shënuan 20 milionë euro dëme materiale.
Shpalljen e moskompetencës së Gjykatës së Lartë për gjykimin e akuzave penale në ngarkim të të gjithë të pandehurve, përjashtuar ish-ministrin e Mbrojtjes Fatmir Mediu. si dhe dërgimin e çështjes në ngarkim të tyre për kompetencë në Gjykatën e Shkallës së Parë Tiranë.
Po ashtu Gjykata e Lartë vendosi veçimin e padisë civile nga procesi penal të paditësve Nazmije Hazizaj, etj. përfaqësuar nga avokate Blerta Kraja të legjitimuar nga organi i prokurorisë në fazën e hetimeve paraprake dhe mospranimin për shqyrtim të kërkesë- padisë së Avokatit të Shtetit dhe padive të tjera civile duke i dërguar ato për shqyrtim nga një trup gjykues civil i Gjykatës së Shkallës së Parë Tiranë.
Lista e plotë e të pandehurve që nuk do të gjykohen nga Gjykata e Lartë
Agim Lala
Ndue Marku
Ardian Mullai
Zija Bahja
Luan Hoxha
Zenun Ferro
Hysni Cocka
Lavdi Shatro
Jorgo Mino
Fiqiret Mato
Armand Tartari
Fatbardh Kuçi
Shpëtim Spahiu
Adriatik Mema
Rezart Tërshana
Denis Hajdari
Gëzim Hoshafi
Besnik Dauti
Fahri Toska
Mihal Delijorgji
Ylli Pinari
Shkëlzen Madani
Ardian Mullai
Sokol Ngjeci
Dritan Minxholli
Juliana Margariti
Dashnor Çaushi
Hilmi Lacaj
Albademil sh.p.k.
e.l/NOA
