Ballkani pritet të ketë një rritje të turizmit rajonal. Industria e turizmit në Shqipëri do të ketë një rritje masive nga rritja e numrit të vizitorëve nga Kosova në kohën kur super-autostrada që lidh bregdetin e Shqipëri me malet veriore të Kosovës të kompletohet.
Kosova është tërësisht tokë e mbyllur, ndërsa Shqipëria ka disa plazhe fantastike. Mali i Zi po përgatitet për rritjen e numrit të turistëve nga Kosova, dhe po planifikon të hap një konsullatë në vendin që po bëhet gati.
Kosova është e mbyllur, ndërsa Mali i Zi është botërisht i njohur për plazhet e tij të mrekullueshme.
Po kështu Mali i Zi do të pres një numër më të madh turistësh edhe nga Serbia, duke qenë se marrëdhëniet mes dy vendeve po normalizohen.
Serbia fillimisht u nda nga Mali i Zi kur u bë edhe ndarja e vonë e këtij vendi, që i dha fundin edhe Republikës së Jugosllavisë, por u lodh edhe më shumë kur Mali i Zi njohu deklaratën unilaterale të shpalljes së pavarësisë së Kosovës prej Serbisë, e cila nga ana e saj e kontestonte këtë njohje me të gjitha mënyrat.
Fakti që marrëdhëniet janë normalizuar mes dy vendeve të çudit pak, megjithatë kjo është një realitet.
Sigurisht që turizmi nuk është e vetmja industri nga e cila vendet e Ballkanit do të përfitojnë nga lidhja e mirë rrugore.
Eksportet gjithashtu do të bëhen më efektiv në kosto dhe nisur nga kjo do të rriten në pesë vitet e ardhshme.
Po kështu ka mundësi për më shumë biznes mes këtyre vendeve fqinjë. Për të mos përmendur këtu punësimin që do të gjenerohet nga vetë ndërtuesit e rrugës.
Rreth 3000 punonjës, tre të katërtat e të cilëve shqiptarë janë punësuar në projektin e rrugës Shqipëri-Kosovë, numër i cili do të shkoj në 4500 në momentin kur projekti të arrij në kulmin e tij.
Të dyja bashkë Shqipëria dhe Mali i Zi janë cilësuar si destinacione të nxehta për investitorët e huaj.
Rritja e turizmit rajonal do të rrisë blerjen dhe dhënien me qera të pronave në të dyja vendet.
Por rritja e lidhjeve industriale sigurisht që do të rris edhe ekonominë e këtyre vendeve të ardhmen, duke u dhënë më shumë fuqi investuese.
Ekonomia shqiptare parashikohet të ketë një rritje prej 1% këtë vit, ndërsa ekonomia e Malit të Zi pritet të arrij në një rritje prej 2.5%. Këto parashikime vijnë nga Fondi Monetar Ndërkombëtar.
Marrë nga mediat e huaja
