Athinë, 30 maj, NOA - Shefja e diplomacisë greke, Dora Bakojanis, deklaroi se pas zgjedhjeve në Greqi sërish do të fillojnë negociatat mes Shkupit dhe Athinës për zgjidhjen e çështjes së emrit.
"Negociatat nën patronazhin e mediatorit të OKB-së, Metju Nimic do të fillojnë pas zgjedhjeve në fund të muajit. Kjo do të jetë një përpjekje e re për të gjetur një zgjidhje të pranueshme", deklaroi Bakojani për agjencinë e lajmeve athinase.
Kohëve të fundit, bashkësia ndërkombëtare, sidomos Shtetet e Bashkuata të Amerikës kanë intensifikuar angazhimin e tyre për zgjidhjen e kontestit të emrit.
Zëvendës-sekretari amerikan i Shtetit Xhejms Stajnberg deklaroi se për kontestin e emrit ekzistojnë shumë zgjidhje kreative.
Ai paralajmëroi se SHBA-të do të vazhdojnë ta mbështesin procesin në KB me ndërmjetësim të mediatorit Matthew Nimetz dhe se janë të gatshme të ndihmojnë aq sa munden në zgjidhjen e kontestit.
NOA-INA
