Korçë, 4 qershor NOA - Një Sasi lënde narkotike e llojit heroinë është zbuluar para pak minutash në Kapshticë, konfirmojnë për agjencinë e lajmeve NOA, burime zyrtare policore.
Korrespondentja e agjencisë NOA informon se në Pikën e Kalimit Kufitar të Kapshticës, nga shërbimet e Seksionit Kundër Narkotikëve, është realizuar zbulimi dhe kapja e rreth dy kilogramë drogë të llojit heroinë.
Kjo sasi lënde narkotike ishte fshehur në makinën e tipit "Benz" me targë KO 8107 B, ne pronësi të 31-vjeçarit Sejtor Geco, lindur dhe banues në Lagjen nr. 3 të Korçës.
Policia tha se po vazhdojnë kontrollet e imtësishme të makinës dhe ambienteve të tjera në pronësi të 31-vjeçarit korçar, po kryhen hetime për lidhjet e këtij personi me persona të tjerë.
a.f/NOA
