Elbasan, 7 qershor NOA - Një 60-vjeçar ka mbetur viktimë e një aksidenti që ndodhi  në aksin rrugor Elbasan-Cerrik.
Ngjarja rrugore ndodhi mëngjesin e sotëm kur një mjet tip-Volsvagen me targa të huaja gjermane HER 502 B, që drejtohej nga Selami Hoxha është përplasur me një mjet, tip Zetor që drejtohej nga Demir Cili.
Nga përplasja mbeti i i vdekur 60-vjeçari Demir Cili, ndërsa në vendngjarje mbërritën ekspertët e hetimit të aksidenteve për të sqaruar rrethanat.
Pas hetimeve të para policia bëri të ditur se dyshohet që automjeti që drejtohej nga Selami Hoxha po udhëtonte me një shpejtësi tej normave të lejuara.
Në këto rrethana policia ka shoqëruar drejtuesin e mjetit i cili pasi u mor në pyetje iu komunikua masa e arrestit për veprën penale të "shpejtësisë së tej normave të lejuara".
k.k/NOA
