Kavajë, 17 qershor, NOA - Një ngjarje e rëndë ka ndodhur në orët e para të mëngjesit të sotëm, kur një person i cili punonte si roje në një kompleks vilash ka goditur për vdekje plot 18 herë me thikë pronarin e tij.
Burimet policore bëjnë të ditur për agjencinë e Lajmeve NOA se viktima e këtij akti është 60-vjeçari Pajtim Selmanaj, ndërsa autori i dyshuar i vrasjes, është Halil Buletini.
Për të dytin, policia pohon se ai e ka kryer krimin e rëndë në një gjendje të rënduar psikike, duke sqaruar se ai kurohej për depresion.
Por ai gjithsesi, punonte prej 8 vitesh dhe nuk mendohej se gjendja e tij mund të ishte kaq problematike, saqë të shkaktonte një akt të tillë.
Tashmë autori Halil Buletini është arrestuar nga policia dhe ai vetë ka pranuar se e ka kryer krimin e rëndë, pa iu shmangur autorësisë së tij.
Ndërsa pronari i kompleksit të vilave që mbeti i vrarë pas plot 18 goditje thikash, mësohet se ka ndërruar jetë në spitalin e Durrësit, pa mundur t'u rezistojë dot atyre.
n.e/NOA
