Romë, 30 qershor, NOA - Një tren që ka dalë nga shinat në veriun e Italisë ka shënuar një aksident të rëndë, me pasojën e 13 personave të vdekur dhe të paktën lëndimin apo plagosjen e rëndë të 36 personave të tjerë.
Bëhet e ditur se ngjarja ka ndodhur pranë qytetit Viareggio, pasi një cisternë gazi në një nga vagonat e trenit u përfshi nga flakët e zjarrit duke shkaktuar një shpërthim të fuqishëm, deklaroi një zyrtar lokal. Dy ndërtesa pranë vendit të aksidentit u rrëzuan, duke shtuar se një pjesë e viktimave ishin në këto dy ndërtesa. Nga ana e saj, Drejtoria e Hekurudhave ka komunikuar se një nga vagonat e trenit kishte dalë nga shinat duke tërhequr edhe katër vagonë të tjerë.
Ndërkohë një sasi gazi i lëngshëm ka rrjedhur nga një cisternë në një nga vagonat duke u përfshirë më pas nga flakët.
n.e/NOA
