Tiranë, 3 korrik NOA - Kryeministri, Sali Berisha priti sot Presidenten e Fondacionit Blouin, Louise Blouin.
Fondacioni Blouin vepron kryesisht në fushën e artit, kulturës dhe turizmit dhe publikon 165 botime.
Fondacioni shtrihet në disa vende të rajonit si Greqi, Kroacia, Malin e Zi.
Blouin shprehu veçanërisht interesin e Fondacionit që ajo drejton për potencialin turistik të Shqipërisë dhe i shprehu kryeministrit Berisha dëshirën për të bashkëpunuar me qeverinë shqiptare në këtë fushë.Â
Kryeministri Berisha e njohu Blouin me zhvillimin e turizmit në vitet fundit, duke nënvizuar në mënyrë të veçantë transformimin e infrastrukturës bregdetare.
"Shqipëria, ka një vijë bregdetare të mrekullueshme, me një pasuri kulturore që është pjesë e trashëgimisë botërore, është e pasur me site arkeologjike dhe  ka potenciale të mëdha turistike" u shpreh Berisha.
Blouin shprehu kënaqësinë të bashkëpunonte me qeverinë shqiptare për promovimin e kulturës dhe turizmit shqiptar.
k.k/NOA
Â
