Athinë, 11 korrik, NOA - Një bombë artizanale ka shpërthyer sot pranë hyrjes së pallatit të ish-ministrit të Brendshëm, përgjegjës për rendin publik, Panajotis Hinofotis.
Për shpërthimin në fjalë, ka lajmëruar një person i panjohur përmes një telefonate anonime në një televizion lokal dhe te organet e policisë.
Mësohet se nga shpërthimi janë shkaktuar vetëm dëme të vogla materiale dhe nuk ka pasur të plagosur, ndërsa policia e ka nisur një proces hetimi. Ish-zëvendësministri grek, Hinofotis, është hequr nga detyra pas reformimit që i ka bërë kryeministri Karamanlis kabinetit qeveritar në 7 janar 2009, një muaj pas trazirave të dhunshme në Athinë, të cilat patën pikënisje vrasjen e një adoleshenti 15 vjeçar nga një patrullë policie.
n.e/NOA
