Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Pranga 25-vjeçarit, vodhi lekë dhe celularë në dhomën e konviktit të vajzave studente
English

Pranga 25-vjeçarit, vodhi lekë dhe celularë në dhomën e konviktit të vajzave studente

Gjirokastër, 11 korrik, NOA - Një 25-vjeçar është arrestuar nga forcat e policisë së Gjirokastrës pasi dyshohej se kishte vjedhur lekë dhe celularë të studenteve në konviktin e vajzave të Universitetit "Eqerem Çabej".

Sipas burimeve policore për agjencinë e Lajmeve NOA, ai është Viktor Gaço, i lindur dhe banues në Gjirokastër, i dënuar më parë për veprën penale të "Vrasjes" dhe veprën penale të ‘Vjedhjes".

Mësohet se ai është ngjitur nëpërmjet tubove të ujit në katin e katërt të konviktit të vajzave të Universitetit "Eqerem Çabej", ku është futur në një nga dhomat e këtij konvikti dhe ka vjedhur lekët, një celular dhe sende të tjera katër studenteve që banonin në këtë dhomë dhe konkretisht:

Studentes S.V , nga Berati, i ka vjedhur një shumë prej 13.000 lekë të reja.

Studentes M.K, nga Tepelena , i ka vjedhur një shumë prej 3.000 lekë të reja.

Studentes B.T, nga Fieri , i ka vjedhur një shumë prej 4.000 lekë të reja , kartën e kreditit dhe celularin me vlerë 20.000 lekë të reja.

Nga kontrolli fizik që iu bë shtetasit të lartpërmendur, iu gjet dhe u sekuestrua në cilësinë e provës materiale telefoni celular i vjedhur në konvikt, pronë e studentes B.T, ndërsa lekët i kishte prishur.

Materialet i kaluan Prokurorisë së Rrethit Gjyqësor Gjirokastër për veprime të mëtejshme për veprën penale të "Vjedhjes ", parashikuar nga neni 134 i Kodit Penal.

n.e/NOA

KOMENTE