Â
Tiranë, 11 korrik NOA-Komisioni Qendror i Zgjedhjeve nisi pasditen e së shtunës, diskutimin e dy ankesave për rezultatin e zgjedhjeve të 28 qershorit në qarkun e Fierit. Kërkesat për kundërshtim të rezultatit janë dorëzuar nga Partia Socialiste dhe ajo Demokratike.
Në mbledhjen e së premtes KQZ vendosi ti shqyrtojë të dyja kërkesat në një seancë pasi kishin të njëjtin objekt diskutimi.
Nga ana e saj, PS deklaroi sot se nuk do të lejojë që t'i rrëmbehet mandati i 9 i saj i cili i përket këtij qarku. Në një deklaratë për mediat, zyra e shtypit e selisë rozë theksoi se nëse KQZ do ta lejojë këtë atëherë socialistët do të protestojnë në rrugë.
m.i/NOA
