Amerikë, 18 korrik NOA - Ndahet nga jeta në moshën 92 vjeç, ikona i televizionit amerikan.
Gazetari i njohur Uollter Kronkajt ndërroi jetë mbrëmë në Nju Jork pasi vuante nga një sëmundje prej vitesh.
Gjatë viteve 1960 dhe 1970, miliona amerikanë i drejtoheshin ekranit për të parë dhe dëgjuar drejtuesin e lajmeve Uollter Kronkajt, i cili informonte mbi ngjarjet e ndodhura duke transmetuar emocion.
Një fakt i tillë u vërtetua në lajmin e vrasjes së presidentit Xhon Kenedi në nëntor të vitit 1963, kur Uollter Kronkajt, bëri një transmetim emocional të këtij lajmi duke gozhduar para ekranit miliona teleshikues.
Edicioni i tij i lajmeve në televizionin CBS, ishte më i ndjekuri nga viti 1961 deri në vitin 1981, kur dhe ai doli në pension, kjo falë mënyrës së tij komunikuese.
Për vdekjen e Konkajt ka folur edhe Presidenti Barak Obama i cili pas ngushëllimeve për vdekjen e gazetarit u shpreh se "për dekada me radhë, Uollter Kronkajt ishte zëri më i besuar në Amerik"
