Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Vrasja pas sherrit për gërvishtjen e makinës, policia identifikon autorin e dyshuar
English

Vrasja pas sherrit për gërvishtjen e makinës, policia identifikon autorin e dyshuar

Berat, 18 korrik NOA, UPDATE - Policia e Beratit ka mundur të identifikojë dhe të shpallë në kërkim autorin e dyshuar të vrasjes së 26-vjeçarit që ndodhit paraditen e sotme në Berat.

Sipas policisë autori i dyshuar i krimit është Përparim Mahmutaj 46-vjeç, i cili është larguar menjëherë pas vrasjes.

Krimi ndodhi pas një sherri për motive të dobëta mes dy personave të cilët nuk njiheshin me njëri-tjetrin.

Burime nga policia thanë se 26-vjeçari Erion Toska banues në fshatin Duhanas kishte vetëm një javë që ishte kthyer nga Greqi.

Paraditen e sotme ai po parkonte automjetin e tij në një lagje në Berat kur u gërvisht nga një tjetër makinë pronë e 42-vjeçarit Përparim Mahmutaj.

Mes tyre ka nisur një sherr ku pas fjalëve të ndërsjella, Erioni e ka ndjekur Përparimin deri në shtëpinë e tij.

Po sipas policisë dyshohet se Mahmutaj i është kundërpërgjigjur 26-vjeçarit me pistoletë duke e qëlluar një herë në kokë.

Për pasojë ai ka gjetur vdekjen gjatë transportimit drejt spitalit.

Ndërkohë që autori i dyshuar i krimit është shpallur në kërkim.

k.k/NOA

Â

KOMENTE