Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ekzekutohet Doda , ish-krahu i djathtë i Mond Kosenit në Elbasan
English

Ekzekutohet "Doda", ish-krahu i djathtë i Mond Kosenit në Elbasan

Elbasan, 22 korrik, NOA - Shok ka sjellë në Elbasan lajmi se "Doda", siç njihet ndryshe 42-vjeçari Roland Rexhepi, ka mbetur i vrarë pasi u qëllua nga persona të armatosur në një atentat pranë shtëpisë së tij.

Ngjarja ndodhi në orën 06.30 në lagjen "Vullnetari" të qytetit të Elbasanit.

Sipas të dhënave policore për agjencinë e Lajmeve NOA, nga hetimet e para besohet se kanë qenë të paktën dy persona të armatosur, të cilët hapën zjarr ndaj 42-vjeçarit, pikërisht kur ai po dilte nga banesa e tij.

Autorët janë larguar menjëherë nga vendngjarja, ndërsa policia është duke kryer verifikimet e para dhe duke ngritur pistat.

"Doda" njihej në vite si krah i djathtë dhe truproja i ish-Drejtorit të Policisë së Qarkut Elbasan, Edmond Koseni, në vitet 1998-2001.

"Doda", për vite me radhë ishte aktiv në sektorin e Antidrogës në drejtorinë policore të Elbasanit por prej afro dy vjetësh nuk ishte më në radhët e policisë pasi u bë pjesë e punonjësve të policisë që iu nënshtruan reformës.

"Doda" kishte marrë pjesë në një varg aksionesh policore sidomos në periudhën që policinë e Elbasanit e drejtonte me dorë të fortë Edmond Koseni i cili më pas u arrestua dhe u shkarkua nën akuzat e shumta për keqtrajtim të shtetasve.

Sipas burimeve policore, këto ditë, "Doda" priste të rikthehej në radhët e policisë ndërsa këto kohë po merrej me një biznes privat.

Policia ka ngritur pistat e para të hetimit, ku spikat ajo e vrasjes për motive hakmarrjeje për shkak të detyrës.

/a.k/e.l/NOA/

KOMENTE