Washington, 27 korrik NOA-Presidenti i SHBA i konsideron marrëdhëniet me Kinën të rëndësishme për  krijimin e marrëdhënieve pozitive, konstruktive dhe të përgjithshme mes dy vendeve.
Sipas tij, Shtetet e Bashkuara dhe Kina mund të bashkëpunojnë për interesin e tyre të përbashkët, atë të mos-përhapjes së armëve bërthamore.
"Shekulli i 21 do të përcaktohet nga marrëdhëniet midis Shtetet e Bashkuara dhe Kinës. Jam i kënaqur që Presidenti i Kinës Hu Gjin Tao, ndan të njejtin angazhim me mua, për vzhdimin e dialogut për interesat e përbashkëta të të dy vendeve.
Të dy vendet duhet të vazhdojnë bashkëpunimin për të krijuar një Gadishull Korean pa armë bërthamore dhe për të mos lejuar Iranin të zotërojë armën bërthamore" u shpreh Obama.
Por zoti Obama shtoi se nuk ushqen iluzione se Shtetet e Bashkuara dhe Kina do të bien dakord për të gjitha çështjet.
m.i/NOA
