Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
E vogël dhe gati e falimentuar, Islanda kërkon hyrjen në BE
English

E vogël dhe gati e falimentuar, Islanda kërkon hyrjen në BE

Nga Andreas Noll/DW

Islanda dëshiron të bëhet anëtare e Bashkimit Evropian. Ministrat e jashtëm të vendeve të BE-së do të nisin sot procedurën e gjatë të aplikimit. Kjo nuk do të jetë e lehtë, pasi disa shtete kanë rezerva.

Kriza ekonomike dhe financiare e ka çuar mini-shtetin në prag të falimentimit

Islandezët janë krenarë për pavarësinë e tyre. Dhe për një kohë të gjatë kombi me 300.000 banorë ka ecur mirë me këtë strategji.

Por përveç himnit të tyre, shumë islandezë do të donin të dëgjonin edhe himnin e Evropës. Kriza ekonomike dhe financiare e ka çuar mini-shtetin në prag të falimentimit. Tani Islanda do të dalë nga kjo gjendje me ndihmën e BE-së. Parakushtet për anëtarësimin i ka plotësuar me kohë ishulli i cilësuar ndonjëherë si demokracia më e vjetër e botës: Respektim i të drejtave të njeriut, shtet ligjor dhe liri themelore. Dhe që gjeografikisht Islanda bën pjesë në Evropë, edhe për këtë nuk ka dyshime në Bruksel dhe Rejkjavik. Kësaj i shtohet fakti që anëtarësia e gjatë në hapësirën ekonomike evropiane mendohet të ndihmojë për anëtarësimin në BE.

Parakushtet për anëtarësimin Islanda i ka plotësuar me kohë, por pranimi do të zgjasë

Megjithatë deri sa Islanda të pranohet vërtet në rrethin e lartë të shteteve të BE-së do të zgjasë ca. Qeveria ia dorëzoi zyrtarisht të enjten e kaluar kryesisë suedeze të radhës në Bashkimin Evropian kërkesën për anëtarësim. Krerët e shteteve dhe të qeverive të vendeve të BE-së duhet të marrin mendimin in e Komisionit Evropian dhe miratimin e Parlamentit Evropian dhe në fund duhet të vendosin njëzëri për kërkesën.

Referendumet mbeten testi përfundimtar

Por puna nis vërtet seriozisht me fillimin e negociatave të anëtarësimit. Ndryshe nga rasti i Turqisë ato duhet të avancojnë shpejt në rastin e ishullit. Madje kryesia suedeze në Këshillin Evropian shpreson për një datë anëtarësimi në vitin 2012. Megjithatë ky duket si një synim tepër optimist, pasi rrugës ka shumë pengesa: për politikën islandeze të peshkimit dhe për çështjen e doganave të importit ende nuk duket zgjidhje në horizont. Por edhe sikur Islanda dhe Brukseli të arrijnë t'i mbyllin negociatat, anëtarësimi nuk është ende i garantuar. Në fund për anëtarësimin duhet të vendosë populli islandez me një referendum. Sipas përvojës së fundit në referendume për Evropën, po-ja nuk është aspak e sigurt. Në fund nevojitet edhe miratimi i të gjitha vendeve anëtare të BE-s: vetëm atëherë mund të luhet në Rejkjavik pranë himnit islandez edhe himni i Evropës.

KOMENTE