Tiranë, 29 korrik, NOA - Ka rënë në prangat e policisë Bashkim Qefalia, i shpalluri në kërkim si dyshuar si autor për vrasjen që ndodhi tre ditë më parë tek Dogana e Tiranës, ku mbeti i vrarë Artan Allushi dhe u plagosën Kujtim e Nertil Allushi.
Sipas të dhënave policore për agjencinë e Lajmeve NOA, Bashkim Qefalia u kap në frangancë, në një banesë e tij në periferi të Tiranës, ndërsa kishte tre ditë që po kërkohej me ngulm nga forcat e policisë, të cilat në fakt kishin caktuar edhe një shpërblim prej 5 milionë lekësh për atë që ndihmonte mbi kapjen e tij.
Bëhet e ditur ndër të tjera se autori i dyshuar kryesor i krimit që tronditi kryeqytetit, ku një 22-vjeçar mbeti i vdekur dhe dy të tjerë u plagosën, ka pranuar autorësinë e tij para forcave të policisë.
Ndërkaq, dje policia arriti të arrestonte bashkëpunëtorin e Qefalisë, Isa Lusha,
i cili e ndihmoi atë duke e strehuar për t'i shpëtuar kapjes prej saj.
Për shkakun e vrasjen në fjalë, deri tani policia ka dhënë variantin e ngacmimit të një vajze. Sipas saj, autori i dyshuar ngacmonte kushërirën e të vrarit dhe pas sherrit mes palëve ndodhi dhe krimi.
Ngjarja ndodhi të dielën në rrugën e Durrësit, në afërsi të Doganës së Tiranës, kur është qëlluar me armë zjarri duke gjetur vdekjen e menjëhershme 25-vjeçari Artan Allushi, 25 vjeç.
Në ngjarje mbetën të plagosur edhe vëllai i të ndjerit, Nertil Allushi, 22 vjeç dhe xhaxhai i tyre Kujtim Allushi, 50 vjeç. Grupi hetimor, identifikoi si autor të kësaj ngjarjeje, 38-vjeçarin Bashkim Jusuf Qefalia, lindur dhe banues në Babrru, Tiranë.
Paraprakisht dyshohet se viktima dhe dy personat e plagosur, kanë debatuar fillimisht me autorin e dyshuar ku më pas janë konfliktuar me këtë të fundit, për motive të dobëta.
Policia tha se për autorin e dyshuar, materialet e përpiluara do t'i kalojnë Prokurorisë së Rrethit Gjyqësor Tiranë, për veprat penale të "Vrasjes në rrethana cilësuese" dhe të "Armëmbajtjes pa leje".
n.e/NOA
