Dhërmi, 5 gusht NOA - Fundjavën e kaluar, Kryeministri Sali Berisha e kaloi në Dhërmi, gjatë së cilës si aktivitet kryesor pati notin. Në ujërat e gjirit të Dhërmiut, Kryeministri Berisha theu një rekord personal, me atë të mëparshmin.
Rekordin e notit të Berishës e ka bërë të ditur zyra e kryeministrisë sipas së cilës këtë vit ai kreu i qeverisë ka kryer 3 minuta më shumë not se vitin e kaluar.
Kështu nga 120 minuta not që bëri një vit më parë, këtë fundjavë notoi 123 minuta. Ndonëse Kryeministri Berisha preferon për pushime më shumë zonat malore, vajtjen në Dhërmi për fundjavë gjatë muajit gushtit e ka kthyer në një ritual pothuajse të përvitshëm.
a.r/NOA
