Tiranë, 7 gusht, NOA - Forcat e policisë kanë arrestuar në flagrancë 45-vjeçarin Geg Tuci, lindur në Mirditë dhe banues në Durrës dhe Pashk Ndreca, 40 vjeç, lindur në Mirditë dhe banues në Laç.
Arrestimi i tyre u krye sepse dje gjatë orëve të vona të natës, dyshohet se në bashkëpunim me njëri-tjetrin, në rrugën e Kavajës pranë birrës Tirana, për motive të dobëta, kanë qëlluar me mjete të forta, 40-vjeçarin Sami Gojda, i cili u dërgua menjëherë ne Spitalin Ushtarak Tiranë dhe ndodhet jashtë rrezikut për jetën. Në vendin e ngjarjes nga grupi hetimor u kryen veprimet hetimore e proçeduriale duke administruar të gjitha provat, ndërkohë që materialet e përpiluara në ngarkim të shtetasve të sipër cituar do t'i kalojnë prokurorisë.
n.e/NOA
Â
