Xhakartë, 8 gusht, NOA - Njëri prej terroristëve më të kërkuar të Azisë Juglindore , islamisti Noordin Mohammed Top, është vrarë gjatë një shkëmbimi zjarri me forcat indoneziane të sigurisë në qendër të ishullit Java.
Siç njofton televizioni indonezian Channel One, duke iu referuar qarqeve të policisë, kufoma e Noordin-it u gjet në një shtëpi në rajonin Temangung, ku ai ishte fshehur me shokë të një fryme.
Më shumë se 100 policë e morën shtëpinë me sulm. Deri tani nuk ka konfirmim zyrtar për vdekjen e Noordin-it. Noordin konsiderohet si autor i disa sulmeve terroriste në hotele luksoze dhe ndaj ambasadës australiane në Xhakartë.
n.e/NOA
Â
