Shkodër, 11 gusht NOA - Operacioni "Scooter" i organizuar nga policia e Shkodrës në bregdetin e Velipojës u finalizua me sekuestrimin e 10 motorëve uji dhe 5 skafeve.
Aksioni u organizua sot nga policia e Shkodrës dhe përgjatë vijës bregdetare të plazhit të Velipojës duke filluar që nga Viluni pranë fshatit Rrjollë dhe deri në skajin tjetër të plazhit, atë të derdhjes së Bunës në kufi me shtetin malazez. Sipas policisë mjetet motorike të bllokuara ishin të licensuar për përdorim personal, por që ato përdoreshin si mjete fitimi nga pronarët, të cilët ua lëshonin ato me pagesë pushuesve të ndryshëm dhe nën moshë.
Ky fakt kishte sjellë probleme te pushuesit duke detyruar policinë të ndërmarrë aksioni.
k.k/NOA
