Shkodër, 15 gusht NOA - Policia e Shkodrës ka asgjësuar sot rreth 6149 rrënjë bimë narkotike kanabis sativa.
Sektori Kundër Krimit të Organizuar në Drejtorinë e Policisë Qarkut Shkodër në bashkëpunim me Komisariatin e Policisë Shkodër dhe Repartin e F.N.Sh-së, organizuan një operacion mëngjesin e sotëm me qëllim identifikimin dhe asgjësimin e bimëve narkotike, në vendet e quajtura "Xhaj" të Komunës Pult, "Lugina e Shalës", "Bregu i Stupes", fshati "Molla e Shoshit" Komuna Shosh dhe vendet e quajtur "Haxhiaj" e "Isufaj" të Komunes Shllak të rrethit Shkodër.
Operacioni u finalizua me identifikimin dhe asgjësimin 6149 rrënjë bimë narkotikë kanabis sativa.
Sipas policisë në vendin e quajtur "Lugina e Shalës, Bregu i Stupes" fshati Molla e Shoshit te Komunës Shosh të rrethit Shkodër, janë identifikuar katër parcela në afërsi të njëra-tjetrës me 3600 rrënjë bime me karakteristika të ngjashme me ato të kanabis sativës.
Në vendin e quajtur "Haxhiaj" të Komunës Shllak të rrethit Shkodër, u identifikuan tre parcela me 1339 rrënjë bimë kanabis sativa.
Në vendin e quajtur "Alavana" të fshatit Xhan, Komunës Pult janë identifikuar dy parcela me 1190Â rrënjë bimë narkotike.
Policia bëri asgjësimin me anë të djegies së këtyre bimëve.
k.k/NOA
