Prishtinë, 24 gusht NOA-Ambasador i ri i Shteteve të Bashkuara të Amerikës në Kosovë tashmë është Christopher Dell.
Ai i ka dorëzuar të hënën letrat kredenciale presidentit Fatmir Sejdiu dhe me këtë rast ka deklaruar se SHBA do të vazhdojnë të jenë aleatë të Kosovës në ndërtimin e një shoqërie demokratike dhe shumetnike.
"Themeli i politikës së SHBA-ve ndaj Kosovës është i thjeshtë dhe i qartë : Së pari, pavarësia e Kosovës është e pakthyeshme, dhe përkrahja e SHBA-ve për Kosovën është e pazbrapsur. E dyta, mbetemi të bindur në projektin tonë të përbashkët të ndërtimit të një vendi demokratik, të zbatimit të ligjit, një vendi shumetnik, tolerant dhe vend i prosperitetit, i cili do të jetë anëtar i plotë i familjes trans- atlantike dhe evropiane."
Zoti Dell ka shërbyer edhe më parë në Kosovë, duke qenë shef i shërbimit diplomatik në vitit 2001dhe 2002.
Ai e njeh mirë situatën në Kosovë dhe pothuaj gjithë lideret e këtushëm politikë.
Ambasadorja e deritanishme e SHBA-ve në Prishtinë, Tina Kajdanoë, ka marrë detyrë të re në departamentin amerikan të shtetit.
m.i/NOA
