Tiranë, 29 gusht, NOA Update - Eshtë hapur sipari i punimeve të Kongresit të Jashtëzakonshëm të Partisë Socialiste dhe aktualisht në këto momente, është duke u transmetuar materiali filmik prej 25 minurash i gjatë, i cili paraqet fakte mbi të ashtuquajturën prej socialistëve të "kasaphanës" mbi votat e 28 qershorit.
Gjatë transmetimit të tij gjatë këtyre çasteve, po tregohet sesi është dhunuar e drejta kushtetues e votës së shqiptarëve përmes disa proceseve, siç ishte ajo e mospajisjes së një pjese të madhe të tyre me karta identiteti apo përjashtimi flagrant i shumë prej tyre nga listat e zgjedhësve, që sipas socialistëve kanë figuruar të parregullta.
Sipas PS, kanë qenë mëse 250 mijë persona pa dokument identifikimi ditën e votmit, persona që sipas saj mund të ishin votues të saj dhe do ndikonin në ndryshimin e rezultatit.
Ndërkaq, materiali filmik i servirur para 1500 delegatëve të PS në Kongres, po denoncon edhe faktin e përdorjes së fëmijëve në fushatë elektorale, si dhe i nxënësve nga qeveritarët dhe pushtetarët demokratë në tërësi.
Sa i përket pasqyrimit të fushatës elektorale në media, materiali filmik i PS tregon sesi trajtimi i saj ka qenë i pabarabartë dhe kjo ka ndikuar natyrshëm në rezultatin zgjedhor.
Ai ka denoncuar edhe blerjen me paratë publike të hapësirave publicitare të demokratëve.
Por materiali ka denoncuar edhe lirimin e mjaft personave të rrezikshëm me precedentë penalë nga burgu pikërisht në prag të fushatës elektorale.
n.e/NOA
Lexoni më shumë mbi argumentin:
Kongresi i PS fillon jo me fjalime, por me film mbi vjedhjen e votave
Kongresi i PS, në Pallatin e Kongreseve mblidhen 1500 delegatët
Mbahet sot Kongresi i PS, kryetari i ri pritet të dalë mes garës Rama-Malaj
Arta Dade: Edi Rama s'është fajtor për humbjen e PS në zgjedhje
Kongresi i PS, Majko pro Ramës: Do diskutojmë zgjedhjet jo statutin
Edi Rama: Pse do të jem në krye të Partisë Socialiste
Arben Malaj: Do të kandidoj për kreun e PS-së, po humba nuk largohem
