Kuçovë, 4 shtator NOA - Një sherr banal mes dy adoleshentëve për pak i ka kushtuar jetën njërit prej tyre kur është qëlluar me thikë.
Ngjarja ndodhi në orët e para të ditës së sotme në qytetin e Kuçovës kur Elidon Dauti është qëlluar me thikë nga një adoleshent.
Burime nga policia e këtij qyteti thanë mes Dautit dhe 17-vjeçarit me iniciale E,I, ka nisur një sherr për motive banale, ku pas fjalëve fyese të ndërsjella adoleshenti E.I ka nxjerrë një thikë dhe ka goditur kundërshtarin e tij duke e lënë të plagosur.
Policia e lajmësuar për plagosjen mbërriti menjëherë për të zbuluar motivet dhe autorin e ngjarjes.
Brenda pak minutash oficerët e policisë mundën të identifikonin dhe të ndalonin autorin e dyshuar E.I i cili do të merret në pyetje.
Ndërkohë që Dauti u transportua në spital nga ku mësohet se ndodhet jashtë rrezikut për jetën.
k.k/NOA
