Afganistan, 8 shtator NOA - Sulmet vetëvrasës kanë goditur sërish Afganistanin.
Një ngjarje e tillë është regjistruar sot në mëngjes pranë një baze ushtarake në aeroportin ndërkombëtar të Kabulit, duke vrarë 3 civilë e plagosur 6 të tjerë.
Sipas autoriteteve vendase, talebanët morën përgjegjësinë për shpërthimin, nga i cili u plagos edhe një ushtar i forcës ndërkombëtare.
Aeroporti përdoret si nga civilët edhe nga trupat e huaja të dislokuara në atë vend. Autorietet thanë se shpërthimi ndodhi jashtë murit rrethues në anën ushtarake.
k.k/NOA
