Bruksel, 8 shtator NOA-Presidenca spanjolle e Bashkimit Evropian do t'i japë përparësi Ballkanit.
Kështu ka deklaruar sot për radion ‘Evropa e Lirë' ministri i Jashtëm i Spanjës, Miguel Moratinos.
Mosmarrëveshjet rreth pavarësisë së Kosovës vazhdojnë në mesin e vendeve anëtare të BE-së, derisa Madridi ka refuzuar ta njohë shtetin e ri.
Por kryediplomati spanjoll, Moratinos, tha se një situatë e tillë nuk paraqet problem.
"Ne respektojmë këndvështrimet e ndryshme.
Të gjithë duam të nxisim paqen dhe stabilitetin duke çuar përpara një të ardhme evropiane për vendet e Ballkanit", tha ai.
Moratinos i bëri këto komente në Vjenë ku paraqiti planet e Spanjës për presidencën evropiane.
Spanja do të marrë kryesinë e radhës së Bashkimit Evropian më 1 janar të vitit 2010.
