Shkup, 9 shtator NOA-Ambasadori i BE-së në Shkup, Ervan Fuere është shprehur optimist lidhur me raportin vjeshtor të KE-së për përparimet e arritura në Maqedoni.
"Jemi të inkurajuar nga punët e kryera gjatë periudhës së fundit, por edhe jemi të inkurajuar edhe nga porositë e komisionerit Oli Ren", ka theksuar ambasadori Fuere, me rastin e përfundimit të projektit "Tuining" për përparimin e kapaciteteve të institucioneve kundër pastrimit të parave.
Ambasadori i BE-së ka theksuar se shpreson se do të vazhdojë trendi i miratimit të vendimeve me koncesus lidhur me realizimin e përcaktimeve të vendosura nga BE-ja për Maqedoninë.
"Ky nuk do të jetë një proces që do të kryhet më 15 shtator në ditën e mbylljes së raportit, apo më 15 tetor në ditën e publikimit të raportit, por duhet të jetë i rregullt", ka theksuar ambasadori Fuere.
