Greqi, 11 shtator NOA - Për 5 vjet me radhë dy vajza të mitura të cilat vuanin nga sëmundja mendore kanë rënë pre e epsheve seksuale të një 32-vjeçari shqiptar i cili i përdhunonte ato sistematikisht.
Ngjarja e rëndë ka ndodhur në Greqi ku opinioni publik është tronditur nga veprimet e emigrantit shqiptar.
Emigranti ka abuzuar me veprime të turpshme me dy vajzat qysh kur ato ishin 12 dhe 7-vjeç tashmë ato janë përkatësisht 17 dhe 12-vjeçe.
Pas abuzimeve me veprime të turpshme ai i ka përdhunuar ato sistematikisht.
Historia tronditëse që ka për protagoniste dy të miturat me të meta mendore e ka zanafillën 5 vjet më parë kur 32-vjeçari kishte njohur një vajzë tashmë është 21-vjeçe duke krijuar një lidhje dashurie me të.
E reja i kishte njohur të dashurit të saj, dy mbesat të cilët ishin të sëmura.
Por lidhja me adoleshenten duket se nuk ka mjaftuar emigrantit i cili ka shfrytëzuar seksualisht edhe dy mbesat e saj të vogla.
Pas 5 vjetësh abuzim dhe pikërisht dy ditë më parë, ngjarja e rëndë e përsëritur është konstatuar nga babai i dy vajzave i cili pasi i ka pyetur ato ka dëgjuar prej tyre dëshmitë rrënqethëse.
Vajzat janë përpjekur të shpjegojnë në mënyrën e tyre ato çka u kishte ndodhur prej 32-vjeçarit.
Babai i dy të miturave ka denoncuar menjëherë në polici shqiptarin emri i të cilit nuk bëhet i ditur dhe më pas policia kreu arrestimin e tij.
Mjekësia ligjore ka përcaktuar edhe abuzimet seksuale të kryera ndaj dy të miturave çka faktojnë akuzat e emigrantit.
k.k/NOA
