Tiranë, 17 shtator NOA - I mituri i cili qëlloi me thikë shokun e tij të klasës në ambientet e shkollës "Bajram Curri" në Tiranë paraditen e djeshme është lënë i lirë nga policia, ndërsa hetimet në ngarkim të tij do të vazhdojnë.
E ndërsa mosha e tij e mitur e ka favorizuar nxënësin të mos qëndrojë gjatë në polici, tashmë është në pikëpyetje prespektiva e tij në shkollë.
Ende nuk është përcaktuar nëse ai do të përjashtohet apo jo nga shkolla, nëse do të pranohet sërish në shkollë do të qëndrojë apo jo në të njëjtën klasë me "kundërshtarin" e tij, të gjitha këto janë në proces shqyrtimi nga drejtuesit e shkollës "Bajram Curri" të cilët ende ndodhen në dilemë.
Ndërkohë që i dëmtuari i këtij incidenti ndodhet ende në spital por gjendja e tij është përmirësuar.
k.k/NOA
