Tiranë, 20 shtator NOA - Futbollisti shqiptar, Brian Filipi i cili humbi jetën dy net më parë si pasojë e një aksidenti do të përcillet nesër në banesën e fundit.
Ceremonia mortore e futbollistit 20-vjeçar do të zhvillohen të hënën në orën 15.30 minuta në Cervia. Lojtari i Shpresa u përplas nga një makinë në Çervia, mbrëmjen e së premtes ndërsa ndodhej bashkë me shokun e skuadrës Stefano Skapini.
Mësohet se Filipi është përplasur nga një makinë e cila udhëtonte me një shpejtësi të madhe.
I riu u transportua në spital por ai ndërroi jetë pak minuta më pas për shkak të plagëve të shumta dhe të rënda që kishte marrë.
Vdekja e futbollistit të ri ka hidhëruar të gjitha klubet e mëdha ndërsa skuadra e Ravenës ku luante Brian Filipi ka kërkuar nga Federata shtyrjen e ndeshjes së sotme ndaj Foxhias, e cila tashmë do të luhet më 30 shtator.
k.k/NOA
