Tiranë, 3 tetor NOA - Ministri i Mjedisit, Pyjeve dhe Administrimit të Ujërave, Fatmir Mediu, takoi sot ambasadorin spanjoll në Shqipëri.
Gjatë këtij takimi, u diskutua për implementimin e memorandumit të mirëkuptimit të nënshkruara nga dy vendet.
Ky memorandum konsiston në trajnimet e specialistëve në fusha të ndryshme të mjedisit, veçanërisht në teknologjinë mjedisore.
Ambasadori spanjoll i kërkoi ministrit fushat prioritare në të cilat vendit tonë i nevojitet shkëmbimi i eksperiencave.
Ministri Mediu shtroi si një nga prioritetet, pyjet dhe ruajtjen e tyre nga zjarret apo fatkeqësi të tjera natyrore.
Ai kërkoi mbështetjen për lëvizje konkrete dhe zgjidhjen e shpejtë të këtij problemi madhor mjedisor.
Një nga pikat e rëndësishme të këtij takimi, ishte arritja e standardeve të Bashkimit Evropian nëpërmjet një bashkëpunimi të suksesshëm.
Ambasadori spanjoll, i shprehu ministrit Mediu gatishmërinë e vendit të tij për forcimin e këtij bashkëpunimi dhe implementimin e tij në të tëra fushat, veçanërisht në atë arritjeve të standardeve me EU.
k.k/NOA
Â
Â
