Kaliforni, 7 tetor, NOA - Aktori me origjinë shqiptare, Xhim Belushi ka pësuar një aksident me avionin e tij provat mëngjesin e sotëm.
Lajmi bëhet i ditur nga mediat amerikane, sipas të cilave, Belushi është aksidentuar ndërsa avioni i tij po kryente uljen në pistën e zbritjes.
Sipas të dhënave paraprake, ai tashmë gjendet jashtë rrezikut për jetën dhe se nuk ka dëmtime serioze, por gjithsesi paniku ka qenë i madh për jetën e aktorit të njohur.
Policia bën të ditur nga vendngjarja se është duke hetuar ndërkaq, shkaqet e mundshme që kanë çuar në aksidentin e avionit të aktorit, ndaj të cilit shqiptarët ushqejnë një admirim të madh, për shkak të origjinës së tij shqiptare.
n.e/NOA
