Tiranë, 7 tetor NOA - Me dru dhe me gurë ka masakruar kunatën e saj një 45-vjeçare pas një sherri mes tyre në banesën e vjehrrës.
Dy gratë të cilët kishin burrat vëllezër shpesh herë kishin konflikte me njëra-tjetrën për çështje të ndryshme.
Sipas policisë ato nuk shkonin mirë dhe ziheshin për shkaqe të ndryshme ashtu si çka ndodhur edhe ditën e djeshme.
Ngjarja ndodhi në fshatin Bulticë, komuna Vaqarr, në Tiranë kur dy kunatat N. Nurja 35-vjeçe dhe N. Nurja 45-vjeçe kanë nisur sërish një sherr i cili pas fjalëve fyese të ndërsjella ka pasur e përdorimin e sendeve të forta.
Kunata më e madhe ka goditur atë më të voglën me çfarë ti zinte dora.
Gurë, dru, levë gjithçka që ndodhej në oborr kanë rënë mbi trupin e 35-vjeçares e cila u transportua menjëherë në spital..
Për të zgjidhur sherrin mes dy kunatave ka ndërhyrë edhe policia e cila ka shoqëruar autoren dhe pasi e ka marrë në pyetje e ka lënë të lirë.
k.k/NOA
