Tiranë, 8 tetor, NOA - Ekipi që do të marrë pjesë në edicionin e Lojërave Speciale Olimpike është përshëndetur me anë të një ceremonie të veçantë, të organizuar nga vetë presidenti i Republikës.
"Ju uroj dhe përgëzoj për këtë nismë të bukur. Sidomos ata që duhen falënderuar janë prindërit të cilët besojnë tek fëmijët e tyre në këtë aktivitet", tha ndër të tjera presidenti Topi.
Sipas tij, lojërat e shkuara Olimpike të Kinës treguan se Shqipëria ka potenciale për të organizuar të tilla gara.
"Siç ka thënë edhe Shvarzeneger: Kam marrë pjesë në shumë filma aksioni, por asnjëherë nuk kam ndjerë emocione si në garat e Lojërave Olimpike", citoi më pas Presidenti Topi, duke theksuar bukurinë e këtyre garave.
Ndërkaq, një fjalim të veçantë ka mbajtur edhe përfaqësuesi i kompanisë "vodafone Albania", e cila është sponsorizuesja kryesore e edicionit sportiv të Lojërave Speciale Olimpike.
Pjesëmarrës të tij do të jenë fëmijë me aftësi të kufizuara në disa disiplina sportive.
n.e/NOA
