Tiranë, 13 tetor NOA - Me anë të një frigoriferi do të futeshin në Burgun 313 më shumë se 25 celularë.
Celularët u zbuluan gjatë kontrollit rutinë përpara se frigoriferi që ishte furnizuar me telefona të futej në ambientet e brendshme të burgut të sigurisë së lartë.
Mësohet se frigoriferi do të futej në burg nga familjarët e të burgosurit Mondi Molliu. Fill pas gjetjes së celularëve të montuara brenda në frigorifer janë shoqëruar në komisariat familjarët e të burgosurit.
Policia ka marrë në pyetje familjarët e Molliut ndërsa ky i fundit është vendosur nën masa të rrepta në qeli.
Duket se frigoriferi është një ide e mirë e të afërmve të të burgosurve për t'i furnizuar ata me celularë.
Vetëm pak ditë më parë një 22-vjeçare nga Durrësi u kap teksa po fuste në qelitë e Burgut 313 ku ndodhej i fejuari i saj një frigorifer brenda së cilit ndodheshin 36 celularë.
k.k/NOA
