Tiranë, 17 tetor, NOA - Pas dorëheqjes së trajnerit të ekipit të Shpresave, Bushati, një tjetër largim është shënuar në radhët e trajnerëve të ekipeve shqiptare.
Fjala është këtë radhë për trajnerin Eduard Zhupa të skuadrës së Partizanit, i cili është shkarkuar nga kjo detyrë pas dy humbjeve që ka pësuar së fundmi, të cilat duket se kanë irrituar pronarët e tij.
Ndërkohë, mësohet se zëvendësuesi i tij, njëkohësisht edhe lojtar i kësaj skuadre, Skerdi Bejzade, do të marrë në dorë drejtimin e skuadrës pas largimit të Zhupës.
Humbjet, duket se janë kthyer në kritere për suksesin e trajnerëve në Shqipëri.
n.e/NOA
