Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Policia e Korçës publikon hetimet mbi vrasjen e ndodhur në Podgorie
English

Policia e Korçës publikon hetimet mbi vrasjen e ndodhur në Podgorie

Korçë, 18 tetor NOA - Policia e Korçës ka publikuar sot disa detaje nga hetimi mbi ngjarjen e ndodhur një natë më parë në fshatin Podgorie, ku mbeti i vrarë një banor vendas.

Korrespondentja e agjencisë NOA informon se nga hetimi i kryer, rezulton se viktima është 68 vjeçar, Reshit Adri, lindur e banues në Podgorie.

I vetmi i dyshuar si autor i krimit, është Ismail Goroveci i moshës rreth 50 vjeç, banor po i fshatit Podgorie.

Nga hetimet e kryera doli se i dyshuari ka hapur zjarr me armë gjahu duke i marrë jetën 68-vjeçarit Adri.

Mësohet se gjithçka ka nisur pasditen e së Shtunës, pak orë pas një konflikti për motive të dobëta mes viktimës dhe autorit.

Në orët e mbrëmjes, Ismail Goroveci ka shkuar në banesën e viktimës Adri, duke u konfrontuar me të.

Në këtë moment viktima ka dalë jashtë shtëpisë së bashku me djalin e tij dhe kanë goditur Ismailin, i cili ka qenë i shoqëruar nga vëllai i tij Shefqet Goroveci.

Në konflikt e sipër Ismail Goroveci ka qëlluar me armën e gjahut, të cilën e kishte marrë me vete, duke vrare bashkëfshatarin e tij.

Menjëherë më pas ka braktisur armën dhe është larguar nga vendi i ngjarjes.

Pas marrjes së informacionit, janë angazhuar efektivat e Drejtorisë së Policisë së Qarkut Korçë.

Në orët e para të ditës së Diel, policia konfirmoi se ka bërë të mundur kapjen e autorit të ngjarjes Ismail Goroveci, i cili ishte strehuar në një banesë, disa kilometra larg vendit të krimit.

Sakaq, është bllokuar arma e krimit që ka pasur Ismail Goroveci si dhe arma e gjahut e Shefqet Gorovecit, i cili po ashtu e kishte me vete në momentin e konfliktit.

Policia nga hetimit ka sqaruar se Ismail Goroveci ka përdorur armën e tij duke hapur zjarr në drejtim të fqinjit, kurse vëllai i tij Shefqeti, nuk e ka nxjerrë armën nga supet.

Ndërkohë hetimet janë thelluar dhe për shkaqet e vrasjes, që paraprakisht shihen të jenë banale, nën motive pronësie.

Dyshohet se gjithçka nisi për një lopë të familjes Adri, e cila u shndërrua në "mollë sherri" mes dy familjeve fqinje, pasi gjedhi kishte hyrë në kullotën e fqinjit.

a.f/f.sh/NOA

KOMENTE