Tiranë, 23 tetor, NOA Update - Sapo është nxjerrë nga rrënojat e gurores ku edhe gjeti vdekjen, trupi i pajetë i punëtorit 46-vjeçar Reshat Dajti.
Lajmi bëhet i ditur nga burimet policore, të cilat kanë bërë me dijeni se trupi është mundur të gjendet mes dherash dhe gurësh, të cilët i kanë rënë sipër në momentin që ai ka qenë duke punuar dhe më pas, ka humbur jetën.
Viktima i gurores sot në periferi të Tiranës, gjeti vdekjen nga shpërthimi i eksplozivit që i plasi menjëherë sapo e aktivizoi për të zgjeruar vatrën e gërmimit dhe trupi i tij fillimisht nuk po gjendej, por forcat policore më në fund e kanë mundësuar një gjë të tillë.
Trupi i banuesit të fshatit Dajt mësohet se ka qëndruar për një kohë të gjatë nën rrënoja, i mbuluar tërësisht me një sasi dheu dhe gurësh.
Ndërkohë, nga grupi i posaçëm hetimor i formuar mbi ngjarjen në fjalë, po hetohet për përgjegjësit administrativ dhe penalë, në drejtim të kushteve të sigurimit teknik në këtë gurore.
n.e/NOA
