Tiranë, 23 Tetor NOA - Marrëdhëniet nuse-vjehërr njihen rëndom në popull si problematike, por ajo që i ka ndodhur një gruaje të re, ka qenë kaq e padurueshme sa është detyruar të kërkojë ndihmën e policisë e cila i dha mbrojtje të posaçme.
Burime policore bëjnë të ditur për agjencinë NOA se në orën 10.00 të paradites, 36 vjeçarja K.H., lindur në Ersekë dhe banuese në qytetin e Tiranës, ka denoncuar se dhunohej fizikisht dhe psikologjikisht nga vjehrra e saj.
Në këto rrethana, nga policia, 36-vjeçares iu plotësua kërkesë padi për lëshimin e menjëhershëm të urdhrit të mbrojtjes, pasi vjehrra e saj F.H.,, e cila jetonte bashkë me të, kishte ushtruar dhunë fizike dhe psikologjike ndaj nuses.
Kohët e fundit, në Tiranë ka një shtim të rasteve të denoncimit të keqtrajtimit brenda familjes, kryesisht në raportet brenda çiftit, por problemet nuse-vjehërr, janë më pak të denoncuara në organet policore.
f.sh/NOA
Lexoni nga ky argument: Një burrë mbrohet nga policia pas konfliktit me gruan
Â
