Bagdad, 25 tetor NOA - Të paktën 90 persona kanë gjetur vdekjen dhe më shumë se 100 të tjerë u plagosën sot si pasojë e dy shpërthimeve që ndodhen në Bagdad.
Shpërthimet e njëpasnjëshme që ndodhën në harkun kohor prej dy minutash dyshohet se kishin për qëllim qeverinë.
Lajmi është bërë i ditur nga autoritetet e kryeqytetit irakian të cilat njoftuan se autobombat shpërthyen para Ministrisë së Drejtësisë dhe selisë së administratës rajonale të Bagdadit.
Për pasojë u vranë 90 persona dhe u plagosën mbi 100 të tjerë ndërsa bilanci pritet të rritet.
k.k/NOA
