Korçë, 26 tetor, NOA - Forcat e policisë së Korçës kanë kapur në flagrancë 47-vjeçarin Dëfrim Baçllari, lindur dhe banues në fshatin Vreshtas të këtij qyteti.
Burimet policore konfirmojnë se arrestimi i tij u bë pasi në aksin rrugor Korçë-Pogradec, tek kryqëzimi i fshatit Vloçisht të Korçës, duke drejtuar mjetin e tij tip Benz me targa PG 2961 B, ka aksidentuar një 75-vjeçare, banuese në qytetin e Korçës, e cila po kalonte nga njëra anë e rrugës në tjetrën.
E dëmtuara po kurohet në spitalin e Korçës dhe aktualisht është jashtë rrezikut për jetën.
U kryen veprimet proceduriale për veprën penale të "Shkeljes së rregullave të qarkullimit rrugor" parashikuar nga neni 290/1 i Kodit Penal, ndërsa materialet do t'i kalojnë prokurorisë së Korçës.
n.e/NOA
