Prishtinë, 27 tetor NOA-Policia hungareze ka ndërprerë kërkimet në anën e saj të kufirit për të gjetur trupat e mbytur të kosovarëve që tentuan të kalojnë ilegalisht kufirin serbo-hungarez.
Sipas policisë, tashmë është kontrolluar tërë territori dhe nuk ka gjasa të gjenden trupa të tjerë.
Bilanci i deritashëm, sipas policisë hungareze, është 3 të vdekur, 3 të mbijetuar dhe dyshohet për 12 të humbur.
Zëdhënësi i policisë hungareze, Szabolcz Szenti, i ka thënë KTV-së se në bashkëpunim me policinë serbe po hetojnë për trafikim me qenie njerëzore, mirëpo në këtë moment nuk kanë asnjë të dyshuar.
Institucionet kosovare i hedhin njëra-tjetrës përgjegjësinë përderisa ende nuk kanë informacione të sakta për këtë ngjarje.
m.i/NOA
