Fier, 7 nëntor, NOA - I goditur për vdekje, me shenja hematomash dhe plagësh të rënda në të gjithë trupin.
Kjo është gjendja në të cilën forcat e policisë së Fierit e kanë gjetur trupin e një kufome në fshatin Kuqar të këtij rrethi, tek vendi i quajtur "Përroi i Aliut".
Nga kryerja e veprimeve të para hetimore rezultoi se kufoma i përket 70-vjeçarit Ferit Hoxha, lindur dhe banues në fshatin Kuqar dhe se plagët e marra në trupin e tij ishin shkaktuar nga mjete të forta mprehëse dhe shpuese.
Focat policore bëjnë me dijeni për agjencinë e Lajmeve NOA se autori i dyshuar i kësaj vepre penale është 70-vjeçari tjetër, Veli Nuhaj, bashkëfshatar i viktimës, ndaj të cilit u mor masa e ndalimit për veprën penale "Vrasje me dashje" parashikuar nga neni 76 i Kodit Penal.
Nga veprimet hetimore rezultoi se ngjarja ka ndodhur për motive të dobëta, ndërsa materialet do t'i kalojnë prokurorisë së Fierit për veprime të mëtejshme.
n.e/NOA
