Tiranë, 10 nëntor NOA - Një 22-vjeçare ka gjetur vdekjen pasi u përplas nga një automjet mbrëmë në qendër të Tiranës.
Ngjarja ndodhi mbrëmë rreth orës 23:30 në Bulevardin "Dëshmorët e Kombit" përballë Pallatit të Kongreseve në Tiranë kur një automjet tip -Ford me targa TR 2038 R, që drejtohej nga 28-vjeçarja Gjoana Mata ka përplasur për vdekje 22-vjeçaren Ida Kofsha.
Mësohet se e reja po tentonte të kalonte në anën tjetër të trotuarit kur ëhstë përlasur nga automjeti.
Goditja ka qenë fatale për 22-vjeçaren e cila gjeti vdekjen e menjëhershme ndërsa 28-vjeçarja e shokuar ka tentuar t'i japë ndihmën e parë por ka qenë e kot.
Në vendin e ngjarjes mbërritën hetuesit e aksidenteve për të sqaruar rrethanat.
Burime nga policia thanë për agjencinë e lajmeve NOA se ndaj shoferes Gjoana Mata u mor masa e arrestit për veprën penale të "shkeljes së rregullave të qarkullimit rrugor".
k.k/NOA
