Durrës, 12 nëntor, NOA - Donte të kalonte për te mbikalimi për këmbësorë i rrugës dhe ndërsa kërkonte t'u shpëtonte me vrap makinave, ka gjetur vdekjen prej tyre.
Ngjarja fatale i ka ndodhur 74-vjeçarit Rasim Istrefi, lindur në Kukës dhe banues në Tiranë dhe sipas konfirmimit të policisë për agjencinë e Lajmeve NOA, vendi i saj ka qenë i ashtuquajturi "Mbikalim i Fllakës" në rrugën automobilistike Tiranë-Durrës.
Bëhet me dijeni ndër të tjera edhe fakti se i aksidentuari është dërguar menjëherë në spitalin e Durrësit për t'iu dhënë ndihma mjekësore, por nuk ka arritur të mbijetojë dot si pasojë e dëmtimeve të rënda të shkaktuara nga aksidenti fatal.
Ndërkaq, forcat policore kanë nisur procedimi penal ndaj drejtuesit të automjetit që e shkaktoi atë, 43-vjeçarit Sokol Dedndreja, lindur në Tropojë dhe banues në Tiranë.
Procedimi penal ndaj tij filloi për arsye se në momentin e aksidentit të lartpërmendur, ai ishte duke drejtuar mjetin Volzvagen DR 6978 E.
Nga veprimet hetimore të drejtuara nga prokuroria e Durrësit, ka rezultuar se viktima i ka prerë rrugën automjetit të drejtuar nga Dedndreaj.
Ndërkaq, materialet për veprën penale të "Shkeljes së rregullave të qarkullimit rrugor", parashikuar nga neni 290/1 i Kodit Penal, do t'i kalojnë prokurorisë së Durrësit për hetime të mëtejshme.
n.e/NOA
